រថយន្តRange Rover Velar លក្ខណៈគ្រួសារ(SUV)ដ៏ទំនើបស៊េរីឆ្នាំ២០១៨បានបង្ហាញវត្តមានជាផ្លូវការនៅអគារតាំងលក់ផលិតផលJaguar និងLand Roverដែលនាំចូលដោយក្រុមហ៊ុន អ អិម អេ ខេមបូឌាដែលទទួលសិទ្ធចែកចាយផ្តាច់មុខរថយន្ត Jaguar និង Land Rover។ Range Rover Velar គឺជារថយន្តស្ថិតនៅក្នុងត្រកូលRange Roverវាត្រូវបានផលិតឡើងយ៉ាងប្រណិតសាកសមនឹងភាពទាន់សម័យនាពេលបច្ចុប្បន្ននេះផងដែរ។ រថយន្តថ្មីសន្លាងនេះប្រវែងតួរបស់វាស្ថិតនៅចន្លោះរវាងRange Rover EvoqueនិងRange Rover Sport។
បច្ចេកវិទ្យាទំនើបដែលឈានមុខគេត្រូវបានបំពាក់លើរថយន្តRange Rover Velar អំពូលLEDពេញចង្កៀងផ្នែកខាងមុខហើយស្តើងត្រូវផលិតលើកដំបូងពុំធ្លាប់មានក្នុងត្រកូលRange Rover។ដៃទ្វារស្វ័យប្រវត្តិទំនើបដំបូងត្រូវបានផលិតយ៉ាងពិសេសដែលលូតចេញចូលដោយស្វ័យប្រវត្តិនៅពេលលោកអ្នកចាក់សោររឺបើកសោរ Activity Key ផ្តល់ភាពងាយស្រួលដោយអនុញ្ញាតអោយម្ចាស់រថយន្តអាចលេងកីឡាហែលទឹក រត់ហាត់ប្រាណ ឡើងភ្នំដោយពុំចាំបាច់ភ្ជាប់សោររថយន្តតាមខ្លួនទៀតឡើយ។
កម្លាំងម៉ាស៊ីនខ្លាំង Supercharged ៣.០លីត្រ V6 ៣៨០HP ៨លេខអូតូដែលលោកអ្នកអាចបង្កើនល្បឿនពី០ទៅ១០០ត្រឹមតែរយៈពេល៥.៣វិនាទីជាមួយនឹងកង់ទំហំ២១អ៊ីងបែបស្ព័រយ៉ាងស្រស់ស្អាតត្រូវបំពាក់មកជាមួយ លោកអ្នកអាចបើកបរបានក្នុងជម្រៅទឹករហូតដល់៦៥០មីលីមែត្រ បច្ចេកវិទ្យាសម្លេងរបស់ចក្រភពអង់គ្លេស(Meridian)កំលាំង១៦០០Wយ៉ាងពិរោះរួមជាមួយប្រព័ន្ធInControl Touch Pro Duo LED ១០អ៊ីង និង ការបញ្ជាឧបករណ៍ផ្សេងៗទៀតយ៉ាងរលូន កៅអីត្រជាក់ត្រូវបានបំពាក់យ៉ាងប្រណិតដែលផ្តល់នូវផាសុខភាពក្នុងពេលបើកបរ។
តួរថយន្តត្រូវបានផលិតដោយលោហៈធាតុអាលុយមីញ៉ូម(សម្រាប់ផលិតយន្តហោះ)ដែលស្វិតហើយធន់នឹងការប៉ះទង្គិច(រថយន្តមានសមត្ថភាពទំពក់សន្តោងដែលមានទំងន់រហូតដល់២៥០០គីឡូ ដែលរាល់ពេលលោកអ្នកត្រូវការសន្តោងម្តងៗរថយន្តមានប្រព័ន្ធបច្ចេកវិទ្យាទំនើបក្នុងការបង្ហាញពីទិសដៅសម្រាប់ធ្វើការថយក្រោយដើម្បីសម្រួលដល់ការថ្ពក់យ៉ាងងាយស្រួល)ប្រព័ន្ធការពារការប៉ះទង្គិចនៅជុំវិញរថយន្ត ប្រព័ន្ធវាស់សំពាធខ្យល់និងប្រព័ន្ធចូលចតរថយន្តស្វ័យប្រវត្តិដើម្បីផ្តល់ភាពងាយស្រួលដល់ការបើកបរ។
